MASOMO SIKUKUU YA KUZALIWA BIKIRA MARIA.

SOMO1:Mik.5:1-4

Bwana asema hivi:utajikusanya vikosi vikosi,Ee binti wa vikosi;Yeye ametuhusuru;watampiga mwamuzi wa Israeli shavuni mwake kwa fimbo.Bali wewe,Bethlehemu Efrata,uliye mdogo kuwa miongoni mwa elfu za Yuda;kutoka kwako wewe atanitokea mmoja atakayekuwa mtawala katika Israeli;ambaye matokeo yake yamekuwa tangu zamani za kale,tangu milele.Kwa sababu hiyo atawatoa,hata wakati wa kuzaa kwake aliye na utungu;ndipo hayo mabaki ya nduguze wa watawarudia wana wa Israeli.Naye atasimama,na kulisha kundi lake kwa nguvu za Bwana,kwa enzi ya jina la Bwana,Mungu wake;nao watakaa;maana sasa atakuwa mkuu hata miisho ya dunia.

K:Nitafurahi sana katika Bwana.-Zab.13:5-6

INJILI:Mt.1:1-16,18-23

Kitabu cha ukoo wa Yesu kristo,mwana wa Daudi,mwana wa Ibrahimu.Ibrahimu alimzaa Isaka;Isaka akamzaa Yakobo;Yakobo akamzaa Yuda na ndugu zake;Yuda akamzaa Peresi na Zera kwa Tamari;Peresi akamzaa Esromu;Esromu akamzaa Aramu;akamzaa Aminadabu;Aminabu akamzaa Nashoni;Nashoni akamzaa Salmoni;Salmoni akamzaa Boazi kwa Rahabu;Boazi akamzaa Obedi kwa Ruthu;Obedi akamzaa Yese;Yese akamzaa mfalme Daudi.Daudi akamzaa Suleimani kwa yule mke wa Uria;Suleimani akamzaa Yoramu;Yoramu akamzaa Uzia,Uzia akamzaa Yothamu;Yothamu akamzaa Ahazi;Ahazi akamzaa Hezekia;Hezekia akamzaa Manase;Manase akamzaa Amoni;Amoni akamzaa Yosia;Yosia akamzaa Yekoniana ndugu zake,wakati wa ule uhamisho wa Babeli.Na baada ya ule uhamisho wa Babeli,Yekonia akamzaa Shealtieli;Shealtieli akamzaa Zerubabeli;Zerubabeli akamzaa Abihudi;Abihudi akamzaa Eliakimu;Eliakimu akamzaa Azori;Azori akamzaa Sadoki;Sadoki akamzaa Akimu;Akimu akamzaa Eliudi;Eliudi akamzaa Eleazeri;Eleazeri akamzaa Matani;Matani akamzaa Yakobo,Yakobo akamzaa Yusufu mumewe Mariamu aliyemzaa Yesu aitwaye kristo.Kuzaliwa kwake Yesu kristo kulikuwa hivi.Mariamu mama yake alipokuwa ameposwa na Yusufu kabla hawajakaribiana,alionekana ana mimba kwa uweza wa Roho mtakatifu.Naye Yusufu,mumewe,kwa vile alivyokuwa mtu haki asitake kumwaibisha,aliazimu kumwacha kwa siri.Basi alipokuwa akifikiri hayo,tazama,malaika wa Bwana alimtokea katika ndoto,akisema,Yusufu,mwana wa Daudi,usihofu kumchukua Mariamu mkeo,maana mimba yake ni kwa uweza wa Roho mtakatifu.Naye atazaa mwana,nawe utamwita jina lake Yesu,maana,yeye ndiye atakayewaokoa watu wake na dhambi zao.Hayo yote yamekuwa,ili litimie neno lililonenwa na Bwana kwa ujumbe wa nabii akisema,Tazama,Bikira atachukua mimba,Naye atazaa mwana;Nao watamwita jina lake Imanueli,Yaani,Mungu pamoja nasi.