JIFUNZE KWA KINA JUU YA AMRI ZA MUNGU

Tujifunze vitu muhimu katika amri kumi za Mungu.

AMRI YA KWANZA

1.Ndimi bwana mungu wako,usiabudu miungu wengine.

Katika amri hii ya kwanza tunajifunza kuwa Mungu wetu ni mkubwa,ameumba yote,Viumbe vyote ni mali yake.Mwana wake wa pekee ametukomboa na kutufanya watoto wa Mungu.Mungu ni baba yetu mwema,kwahiyo Mungu ametaka tusadiki maneno yake,tumtumaini na kumpenda kwa moyo wote,tena tuishi kadiri ya imani yetu.

TUJIULIZE:

Imani:Nilifanya bidii kujua imani yangu(kwa mafundisho ya dini,mahubiri na vitabu vyema?)Niliepuka yote yawezayo kuhatarisha imani yangu(katika vitabu,magazeti,redio,sinema, vyama n.k) Nilikana dini yangu au nilijisingizia kuwa na dini nyingine.
Nilishiriki mambo ya kipagani kwa kutambika,kutumia hirizi,kupiga au kuuliza kisango(ramli),kutegemea uchawi,kucheza au kuchezwa ngoma ya pepo,kushika miiko isiyo na maana,kuwatia watoto katika unyago wa kipagani.

Matumaini:Nilishughulikia mno mambo ya dunia hii?Nilikata matumaini?Nilitenda dhambi,kwa sababu Mungu ni mwenye huruma?

Mapendo:Nilipenda mambo au vitu kupita Mungu?

Sala:Niliacha kusali asubuhi n jioni na wakati wa kula?Niliacha kusali katika kishawishi?Nilisali ovyo?Nilikufuru?

AMRI YA PILI

Usilitaje bure jina la Mungu wako.

Wapendwa taifa la Mungu katika amri hii ya Mungu tunakumbushwa kuwa Mungu ni Mtukufu,na jina lake ni takatifu kupita majina yote,Pia majina ya Yesu,ya mama yake Maria,majina ya watakatifu wa mbinguni,na ya vitu vilivyo wakfu ni matakatifu.
Mungu ametutaka  tutaje majina matakatifu hayo kwa uchaji na mapendo.Usiyataje kwa uzembe wala hasira.Tumheshimu Mungu daim.

TUJIULIZE:

Nilitaja majina ya watakatifu ovyo au kwa hasira? Nilimnung'unikia Mungu?Niliapa pasipo sababu?
Nilivunja nadhiri?

Itaendeleaa....................